Rua endodanef i 3 ponc par l Fascia Balon che n domenia a venciù contra l Pinè. Scomenza miec i ghesch che do 5 menuc i pasa inant con a trata da cet da i 17 metres che fenesc te usc do esser passà sot la barriera. Ciapà l gol i joegn fascegn se deseida e i proa sobito a drezar la endesfida. La pruma ocajion per i parogn de ciasa rua al 15’ menut con Samuele Ruggero che proa doi oute a meter l balon jun som al sach te la medema azion che però l portier ghest le bon de parar. Col jir di menuc la partida la ciapa na burta piega con i ghesc che se peta via par jabas par perder temp e i fascegn che te chel pech temp che se a jià i à proa a far l gol de l 1 a 1 ma zenza dar cruzies a la defendura pinaitera. Te la seconda part de la endesfida la musega no muda con i ghesc che cer de perder temp te dute le maniere e i bec arcedè anche da Mister Gabrielli che, con masa presa de jiar, no i bogn de far le jiade drete par pareva la partida. Enceben l jech no sie bel i bec de pres Ghetta i e bogn de dar cruzies a la defendura ghesta con n par de trate da dalonc che l portier ghest le bon de parar. A 10 menuc da la fin rua l ocajion che muda la endefida, Massimo Lorenz sauta jabas te area de rigor do esser stat “sgambettà” da n avversarie e l arbitro das rigor che Sebastiano Rasom no l fala e l porta la partida sul 1 a 1. Trottner e compagnes se engaissa e i proa a vencer la partida. Passa i menuc e no rua l gol, a l’ultima azion de la partida rua l gol de la venta, Gabriele Riz ciapa n balon te l mez del ciamp, i lo pasa a Michele Petrone che l fas mena de ciapar l balon che l rua a Patrizo Deville che l met l balon tel set. Na venta padida par i fascegn che però resta sun som a la clas ence chesta setemana, n domenia i prooarà endò a ciapar i 3 ponc contra l Invicta Duomo a Sopramonte da mese le 4.
Te l fin de la setemana la juniores a venciù l derby contra l Fiem par 3 a 1 con goi de Claudio Iori, Jacopo Sommavilla e Jacopo Viola, i Arleeves a venciù par 4 a 3 contra l Valsugana con 2 gol de Diego Platter e goi de Sebastian Cinzol e Adil Bouckric, i giovanissimes a venciù 5 a 2 contra l Roncegno con 2 goi de Thomas Liberatore e i gol a ciaf par Alexander Weiss, Michael Prinoth e Thomas Gabrieli, i esordienc “A” a venciù 3 a 0 contra i esordienc “B”, i ponjins “A” a perdù par 3 a 0 contra la Dolomitica e i ponjins “C” a perdù par 3 a 0 contra l Fiem “E”.
Pierpaolo Rasom
Leonardo Deflorian, Tommaso Gloder, Alessandro Rasom, Matteo Lorenz(dal 30’st Gabriele Riz), Giovanni Deflorian, Luca Trottner(dal 15’st Giacomo Deflorian), Massimo Lorenz, Matteo Bernard(dal 5’st Michele Petrone), Alessandro Crepaz(dal 20’st Patrizio Deville), Samuele Ruggero. All Matteo Gabrielli
FASSA – PINE’ 2 OTTOBRE 2022
