N bon pareje par l Fascia balon che le stat bon de portar a cias n pont sul ciamp dassen engrà de Masen di Giovo. Ti prumes menuc le l ciamp che a la meio su le doi squadre che no le bone de se far mal l una co l autra. Co l passar di menuc le i parogn de ciasa che proa a dar cruzies a Trottner e compagnes ma zenza i dar. La pruma ocajion la è par la squadra de ciasa con a trata da cet che Deflorian petà fora da usc. Passa doi menuc e rua l ocajon par i bec de mister Cigolla con Patrizio Deville che la proà la deviazion sot mesura ma l portier le stat bon de la parar. L secondo temp le stat riec de ocajions co i parogn de ciasa che proa a far la partida ma i joegn de pres Ghetta i e bogn de no ge dar trate soride par far gol e i proaa a jir n contropè ma zenza esser bogn degrà a passajes falè, ence degra a l ciamp che no era te grane condizions, o decision falade al moment de jiar. N bon pont che fasc restar i fascegn prumes da la clas. Chesta domenia i fascegn cerirà de troar endodanef i 3 ponc contra l Pinè sul ciamp de Cotura da mese le 4.
Te fin de la setemana la Juniores a perdù par 3 a 0 contra l Albian, i Arleeves a venciù par 6 a 3 contra l Alta Valsugana con 2 goi de Tommaso Zulian e n gol par ciaf de Sebastian Cinzol, Sami Said, Tommaso Riz e Daniel Chiocchetti, i giovanissimes a perdù par 3 a 2 contra i solteri con 2 goi de Lorenzo Crepaz, i esordienti “A” a venciù par 2 a 1 contra l Fiem “B”, i esordienc “B” a parejà par 2 a 2 contra la Dolomitica “B”, i ponjins “A” a venciù par 3 a 0 contra l Fiem “E” e i ponjins “B” a perdù par 3 a 2 contra l Fiem “B”
Pierpaolo Rasom
Leonardo Deflorian, Tommaso Gloder, Alessandro Rasom, Gabriele Riz (dal 30’st Matteo Bernard), Giovanni Deflorian, Luca Trottner (dal 25’st Gianni RIz), Massimo Lorenz, Michele Petrone, Sebastiano Rasom, Patrizio Deville (dal 15’st Alessadro Crepaz), Samuele Ruggero(dal 45’st Giacomo Deflorian). Mister Luciano Cigolla
VAL DI CEMBRA – FASSA 25 SETTEMBRE 2022
