Scomenza dalvers l campionat par l Fascia balon che bat l Audace par 3 a 1. Part miec i ghesc che ti prumes menuc met sot i joegn fascegn che stenta a jiar. Do 10 menuc rua la pruma ocajion par i ghesc che i ciapa l remenat aut con a trata da i 16 metres. Passa autres 10 menuc e i ghesc passa inant con a trata da ite l area de rigor che Deflorian no le bon de ciapar. Do l gol ciapà Trottner e compagnes taca a jiar miec ma zenza crear de grane ocajions. A dies menuc da la fin de l prum temp rua l prum gol fascian con Samuele Ruggero che met tal set na trata da cet da i 25 metres. l secondo temp de la endesfida scomenza miec par i bec de pres Ghetta che degraa a l calo fisich di aversaries i e bogn de jiar miec. Do 20 meuc dal scomenz de la seconda part de la partida rua l secondo gol fascian semper con Samuele Ruggero che l met l balon jun som al sach do na bela trata da l cianton de l area de rigor. Do chest gol i ghest i proa a drezar la partida ma zenza esser bogn de troar l gol degra n par de bele parade de Leonardo Deflorian, deventà l portier titolar do che Colusso le sen jit. A n cart de ora da la fin i bec, par chesta partida, de mister Viale sera la endesfida con Alessandro Sorarù che troa l gol de la domenia con a trata dai 20 metres che fenesc sot l remenat aut. I ultimes menuc i e duc de marca valsuganota ma zenza che l balon fenese te l usc fascian. Bela venta di joegn fascegn che enceben no i aessa jià proprio dalvers i e stac bogn de tegnir al Cotura i trei ponc. N domenia i jiarà semper sul ciamp de ciasa contra l Telve da mese le cater.
Pierpaolo Rasom
Leonardo Deflorian, Alessandro Rasom, Tommaso Gloder(dal 1’st Alessandro Sorarù), Matteo Lorenz(dal 47’st Pierpaolo Rasom), Giovanni Deflorian, Luca Trottner, Gianni Riz(dal 30’st Gabriele Riz), Michele Petrone(da 45’st Giacomo Deflorian), Sebastiano Rasom, Alessandro Crepaz(dal 42’st Patrick Cincelli), Samuele Ruggero. All. Nicola Viale
FASSA – AUDACE 4 SETTEMBRE 2022
