Fenesc l moment positif par l Fascia balon che n domenia pasada a perdù con la pruma da la clas, l Porfido Albian, par 3 a 2. Part miec Trottner e compagnes che proa sobito a far veder l so valor. La pruma ocajion la rua do doi menuc con Gabriele Riz che l proa l assist par Massimo Lorenz ma l defensor le bon de la deviar n corner. Pasa autres 5 menuc e i joegn fascegn pasa inant con Gabriele Riz che ciapa l balon ite te area de rigor do n bel assist de Patrizio Deville e l met l balon junsom al sach. Col passar di menuc i bec de mister Cigolla i a tacà a se sbasar e ge lasar la scomenzadiva ai ghesc. Al 18’ rua l gol ghest con na trata a porta veta do na gran azion dei jiadores ghesc. Pasa autres 10 menuc e i ghesc pasa n vantac con n gol de la domenia con a trata da i 25 metres che rua dreta tal set. Pasa autrs 10 menuc e i ghesc cala l tris co n schema su trata da cet. Te la seconda part de la endesfida rua la reazion fasciana che proa a drezar la partida ma zenza ruar apede l gol che rua a n cart d’ora da la fin con Patrizio Deville che met te usc la trata da i 11 metres do che Massimo Lorenz le stat petà ju te area. Ti ultimes menuc i joegn de pres Ghetta proa a ciapar n pont ma zenza esser bogn. Bela partida par i fascegn che propon n bel jech ma no i e bogn de ciapar nience n pont contro l Porfido Albian che le la più forta del giron. Setemana che ven i fascegn jiarà a Roverè della Luna contra La Rovere da le 4.
Tel fin de setemana la juniores a perdù par 2 a 1 contra l Telve con gol de Alessandro Sorarù, i Arlieves a venciù contra l Montevaccino con gol de Adil Boucrik, i giovanissimes a perdù contra l Verla par 3 a 2 con 2 gol de Andrea Brugnara, i esordienc “A” a venciù 3 a 0 contra la Dolomitica “B” e i esordienc “B” a perdù par 3 a 0 contra l Gardolo “A”.
Alessandro Colusso, Gianni Riz(dal 38’st Patrick Cincelli), Tommaso Gloder, Matteo Lorenz(del 12’st Michele Petrone), Giovanni Deflorian, Luca Trottner(dal 25’st Gregor Löwe), Massimo Lorenz(dal 33’st Alessandro Sorarù), Gabriele Riz, Sebastiano Rasom, Samuele Ruggiero, Patrizio Deville. All. Luciano Cigolla
FASSA – PORFIDO ALBIANO 8 MAGGIO 2022
