Rua i prumes 3 ponc do la paussa da d’invern par l Fascia balon che n sabeda pasada a venjù par 2 a 0 contra l Perjen. I prumes menuc de la endesfida i e senmestres par Trottner e compagnes chno i ebogn de meter dant l so jech e i lasa muie ocajions a i parogn de ciasa che i proa a passar dant con trate da fora ma zenza dar cruzies a la defendura fasciana. Pasa i menuc e i joegn arcedè da mister Cigolla i taca a jiar e taca a ruar le prume ocajions, dant con a trata da i 20 metres de Matteo Lorenz che da cruzies a la defendura de ciasa ma che no rua jun som al sach degrà na gran parada del portier e do con n par de azion che no das però l resultat sperà. Te l secondo temp par miec i parogn de ciasa che riscia de passar n vantac con a trata de ciaf che fenesc sul remenar a cienca l portier fascian. Do aer riscià de ciapar l gol i joegn fascegn de deseida e i pasa dant con Tommaso Gloder che le bon de petar ite n “tap-in” do n “batti e ribatti” te area de rigor. Do l gol i parogn de ciasa se peta inant par proar a drezar la partida però i resta scuerc te do e i riscia pech do de ciapar l secondo gol con Deville che sauta l portier ma l difensor le bon de ciapar l balon dant che l fenese te usc. Al l’ultim menut rua l 2 a 0 par i fascegn con Massimo Lorenz che , do n gran assist de Alessandro Sorarù, l rua te dant l portier e i lo bat.
Bela venta par i bec de Pres Ghetta che n domenia che ven jierà l derby contra la Dolomitica da les trei a pardac.
Le scomenza ence le partide de la schedres mendre con i giovanissimes che a venjù par 3 a 0 contra la Dolasiana con goi de Sebastian Cinzol, Sami Said e Michael Prinoth
Pierpaolo Rasom
Alessandro Colusso, Alessandro Rasom, Tommaso Gloder, Matteo Lorenz, Giovanni Deflorian, Luca Trottner, Massimo Lorenz, Davide Porcu (dal 25’ st Matteo Bernard), Patrizio Deville, Michele Petrone (dal 30’st Alessadro Sorarù), Gabriele Riz (dal 41’st Jacopo Sommavilla). All. Luciano Cigolla
PERGINE – FASSA 12 MARZO 2022
