Do la paussa da d invern l Fascia balon no part ben te l campionat degra la desfata par 2 a 0 contra l’Ortigaralefre sul ciamp de Villa Agnedo. Ti prumes vint menuc la endesfida la se jia te mez al ciamp zenza che le do schedre rue a dar pericui ale defendure. La pruma azion pericolousa le na trata dai 25 metres de Matteo Lorenz che l portier i la ciapa zenza dificolta. Pech do rua l azion che muda l resultat con n rigor par i parogn de ciasa che però l ven para da Colusso che no pel nia su la rebatuda che fenes te sach. Do l gol del vantac i valsuganoc ciapa gaisa e i proa a n far n auter ma, degra a n par de bone partade de Colusso, no i e bogn de jir inant 2 a 0. Sul fenir del prum temp le i joegn fascegn a risciar de portar la endesfida su l 1 a 1 con Massimo Lorenz che, do na bela azion di fascegn, no le bon de ciapar l usc. Te la seconda part de la endesfida part miec Trottner e compagnes che ten te man l jech ma zenza crear problemes a la defendura di parogn de ciasa. I bec de mister Cigolla i seghita a spenjer per proar a drezar la partida, però tedò i resta scuerc e a n menut da la fin de la partida rua l secondo gol di valsuganoc no na trata de ciaf che la brinca l remenat a la dreta del portier fascian e fenesc te usc. Enceben i aessa jià ben i bec de Pres Ghetta no i a portà a ciasa ponc e i proerà ai portar a ciasa sabeda che ven contra l Perjen a Perjen da mese les nef da sera
Alessandro Colusso, Alessandro Sorarù (dal 23’st Sebastian Cassan), Alessandro Rasom, Tommaso Gloder, Giovanni Deflorian, Luca Trottner, Massimo Lorenz (dal 43’st Michele Zulian), Jacopo Sommavilla, Patrizio Deville, Matteo Lorenz (dal 34’st Fabio Bernard), Gabriele Riz. All. Luciano Cigollla