Seghita l moment positif par l Fascia balon che sul ciamp engrà de Ischia de Perjen le stat bon de pareggiar 1 a 1. I prumes 20 menuc i se jia tal mez del ciamp zenza de gran emozions ajache l ciamp no era te le miores condizogn. Sul mez del prum temp rua l ocajion par Deflorian e compagnes con Gabriele Riz che no troa l’usc con na trata da tanche fora da l area, do le i parogn de ciasa che se fas inant ma zenza crear pericoi a la defendura fasciana. A l ultim menut de l prum temp i fascegn podesa passar inant ma Ruggero te dant a portier ge tira ados. Te la seconda part de le endesfida le i valsuganoc a partir miec e do doi menuc i va n vantac con a trata da tanche ite l area de rigor che ven ciapada da Colusso che però no l pel nia su la seconda trata da pec pas da l usc. I bec arcedè da mister Cigolla sopesc l colp e i riscia de ciapar n auter gol ma le trate di aversaries no brinca l usc e Colusso para le autre. Te l ultim cart de ora i joegn fascegn se peta inant par cerir l gol del pari co n par de ocajions ma zenza briincar mai l’usc. A trei menuc da la fin rua l gol fascian con Patrizio Deville che met tal set na trata da i 20 metres. I fascegn aessa ence l ocajion de vencer la partida con l solito Deville che però chesta outa no le bon de meter jun som al sach l balon. Bel pont chel vadagnà da i bec de pres Ghetta che n domenia che ven jiarà l ultima endesfida de l andata contra l Molveno da mese le 3 al Cotura .
Le squadre mendre a fenì l andata fora che i giovanissimes che a perdù par 3 a 2 contra l pinè con goi de Sebastian Cinzol e Nathan Ciocca e i pulcini “C” che a perdù contra l Fiem “D”.
Pierpaolo Rasom
Alessandro Colusso, Alessandro Sorasù (dal 42’st Patrick Cincelli), Alessandro Rasom, Matteo Lorenz, Giovanni Deflorian, Tommaso Gloder (dal 1’st Gregor Löwe), Samuele Ruggiero (dal 30’ st Massimo Lorenz), Michele Petrone, Sebastiano Rasom (dal 15’st Davide Porcu), Gabriele Riz (dal 1’st Gianni Riz), Patrizio Deville.