Gran prestazion par l Fascia balon che sul ciamp engrà de Albian, olà no se a sentù l jiar fora ciasa ajache n muie de sostenidores e jic al seghit de la squadra, l porta demez n pont contra la pruma n classifica degra l 2 a 2 madurà ala fin di 90 menuc. Ta miec l Albian che ten te man l jech zenza dar fià ala defendura fasciana che ten ben. Enceben l Albian jie miec le Deflorian e compagnes che pasa a comanar l endesfida con azion de contropè che se tramuda te n rigor par i fascegn che Sebastiano Rasom fala ma le più svelto de duc e l petà ite l balon su la rebatuda. Pasa dies menuc e l Albian met endò empè la endesfida con na gran trata da pech ite l area de rigor. Tel passar di menuc i parogn de ciasa spenc par troar l gol dal 2 a 1 ma tra n Colusso n gran forma e i remenanc no i troa l gol. Te la seconda par de la endsfida no cambia trop con i parogn de ciasa che ofen par troar l gol e i bec de mister Cigolla che se defen. Al decimo rua l gol dal 2 a 1 de l Albian con na trata da doi pas da l usc, sobito do i podesa uzar l cont dei gol ma l rigor l ven parà da Colusso. Sul mez de l secondo temp rua l 2 a 2 con Gabriele Riz ches desfruta n asenada dal difensor aversarie l sauta l portier e l met jun som al sach l balon. Do l gol i parogn de ciasa proa l dut par dut par troar endò l gol ma la defendura fasciana no la fat passar nia. Al ultim menut podesa ruar l gol di fascegn ma la trata de Ruggero ven ciapada da n difensor. N pont che val sche na venta par i bec de pres Ghetta che setemana che ven jierà contra La Rovere al Cotura da mese le 3.
Te chest week end la juniores a pareggià 4 a 4 contra l Roncegno con goi de Davide Petrone, Michael Biloni, Franchesco Bogni, Enrico Bernard, i Arleeves a venciù par 3 a 1 contra l’Alta Valsugana con goi de Davide Riz, Diego Platter e Francesco Saverio Serpa, i giovanissimes a perdù contra l Verla par 3 a 2 con goi de Sami Said e Alessio Stoffie, i esodienc “A” a pareggià 2 a 2 contra la Dolomitica, i esordienc “B” a perdù 2 a 1 contra l Valcembre e i pulcini “B” a venciù 1 a 0 contra la Dolomitica
Pierpaolo Rasom
Alessandro Colusso, Gianni Riz (dal 1’st Alessadro Sorarù), Alessandro Rasom, Matteo Lorenz(dal 40’st Mirko Barcatta), Giovanni Deflorian, Tommaso Gloder, Samuele Ruggero, Gabriele Riz (dal 46’ st Dennis Rasom), Sebastiano Rasom(dal 13’st Davide Porcu), Patrizio Deville( dal 50’st Gregor Löwe)
PORFIDO ALBIANO – FASSA 7 NOVEMBRE 2021
