Nia da far par l Fascia balon che n domenia a perdù contral Pinè par 2 a 1. Scomenza ben Deflorian e compagnes che te i prumes menuc i e bogn de tegnir te man l jech e do 10 menuc i troa l gol con Patrizio Deville che desfruta n fal del portier pinaiter e met junsom al sach l balon a usc vet. Do aer fat fat l gol i fascegn i seghita a se sbasar de più e no i e più bogn de tegnir n jech, ma enceben l burt jech desmostrà i è bogn de crear ocajion da gol ma zenza l troar. Col jir di menuc la schedra de ciasa proa a drezar la endesfida e sul fenir de l prum temp rua l gol del 1 a 1 con n colp de ciaf che Colusso le bon de tociar ma l balon fenesc lostes te usc. Te la seconda part de la endesfida se met amò più mal par i bec de mister Cigolla parchè i resta de 10 degrà l espulsion de Deflorian che ciapa l balon con a man te area de rigor che però l ven parà da n gran Colusso che ten n pè i fascegn. Col jir di menuc i fascegn seghita a se defener ma zenza risciar fin al ultim menut che, do n fal muie “discutibile”, i pinaiteres fasc l gol de la venta. I fascegn proaarà a venjer n domenia ai 31 de otober contra l Valsugana da mese le 3.
Tel fin de la setemana la juniores a venciù contra l Telve par 2 a 0 con 2 goi de Michael Biloni, i Arleeves a venciù par 15 a 0 contra l Montevaccino con 2 goi de Daniel Chiocchetti, 2 goi de Diego Platter, 2 goi de Sebastian Cinzol, 1 gol de Francesco Saverio Serpa, 2 gol de Simone Rasom, 3 goi de Davide Riz, 1 gol de Samuel Casari, 1 gol de Tommaso Zulian e 1 gol da Adil Bouchrik, i giovanissimes a perdù par 4 a 1 contra l Audace con gol de Sami Said, i esordienc “A” a pareggià contra l Verla par 1 a 1, i pulcini “A” a venciù contra l Fiem “D” par 18 a 0 e i pulcini “C” a perdù contra l Fiem “B” par 6 a 1.
Pierpaolo Rasom
Formazion: Alessandro Colusso, Alessandro Sorarù(dal 30’ st Dennis Rasom), Alessandro Rasom, Matteo Lorenz, Giovanni Deflorian, Tommaso Gloder, Gianni Riz, Michele Petrone, Sebastiano Rasom(dal 35’ st Gabriele Riz), Samuele Ruggero(dal 18’st Gregor Löwe), Patrizio Deville.
PINE’ – FASSA 24 OTTOBRE 2021
