Seghita l moment positif del Fascia Balon che te n “Cotura” nef, degra ai lurieres de miorament del ciamp, a vent par 2 a 0 contra l Primier. Comenza sobito ben Deflorian e compagnes che do 10 menuc i troa l vantac degra a na trata da i vint metres de Deville che la fenesc vejin al set. Do n par de menuc rua l 2 a 0 fascian con na gran azion de i bec arcede, par chesta partida, da Matteo Gabrielli fenida con n gol de Gabriele Riz a fil dal remenant de dreta do l assist de Sebastiano Rasom. Col passar di menuc i fascegn a sbasa l “baricentro” e l Primier e vegnù inant par cerir de meter npe la partida ma zenza dar cruzies a Colusso, sul fenir del prum temp Sebastiano Rasom riscia de calar l tris ma so trata sigola l remenant de cencia del portier primierot. Te la seconda part de la endesfida cala i ritmes e le ocajion stenta a ruar ma al 15’ del secondo temp i fascegn riscia endò de far n auter gol con Gabriele Riz con na deviazion che l portier le statg bon de no la far fenir jun som al sach co n miracol. Seconda venta de fila per i bec de pres Ghetta che i proarà a mantegnir l bon moment a Ronzone n domenia da meze le 4 contra l Alta Anaunia.
Tel fin de la setemana la juniores a venciù par 3 a 2 contra l Cembra con goi de Lorenzo Riz, Alessandro Sorarù e Mattia Lastei, i Arleeves a venciù contra la Dolomitica 3 a 0 a “tavolino”, i giovanissimes a perdù contra l Fiemme par 3 a 1 con gol de Alessio Stoffie, i esordienc “A” a venciù par 12 a 1 contra l Fiemme “B”, i esodienc “B” a venciù par 4 a 2 contra l Pinè e i Pulcini a venciù par 11 a 2 contra la Monti Pallidi
Pierpaolo Rasom
Alessandro Colusso, Patrick Cincelli (dal 30’st Giacomo Deflorian), Alessandro Sorarù, Matteo Lorenz, Giovanni Deflorian, Tommaso Gloder, Patrizio Deville (dal 20’st Dennis Rasom), Michele Petrone, Sebastiano Rasom( dal 25’st Jacopo Sommavilla), Samuele Ruggero, Gabriele Riz (dal 15’ st Mirko Barcatta)(dal 40’st Alessandro Rasom). All. Matteo Gabrielli
FASSA – PRIMIERO 3 OTTOBRE 2021
