FASSA – LA ROVERE 4 OTTOBRE 2020

Fenesc l moment negativ del Fascia Balon che n domenia pasada a venju na emportanta endesfida contra La Rovere. Taca ben i fascegn che se fas veder sobito con Patrizio Deville che da tanche ite l’area de rigor l lasa partir na trata che va pech fora dal speie da l’usc. Pech do però pasa inant i ghesc de gra a a n autogol de Luca Trottner che proan a anticipar l aversarie l beffa l portier fascian. I ghesc podesa far l 2 a 0 de gra a n fal te area de rigor da man de la defendura che però sobito parà da Colusso che l se desmostra endo da nef n “pararigori”. Do chesta ocajion l Fascia se deseida e i e bogn de drezar la endesfida de gra a n rigor ciapà dal joen Gregor Löwe e dò mudà n gol da Patrizio Deville. Dant che fenese l prum temp i tousc vidè da mister Chelodi a proà a pasar inant con n par de trate che no à abù esit positif. Te i secondi carantacinch menuc la musega no cambia con i fascegn che spenc semper da più per pasar inant e do 20 menuc rua l gol de la venta fasciana con Lorenzo Rasom che le stat bon de meter jun som al sach do na gran azion de i fascegn. La soula stramida che a ciapà la defendura fasciana le stat na trata che se a stampà sul remenant de dreta che è stat parejà da Massimo Lorenz che a brincà l rementant cianch. Venta che dasc moral al Fascia balon che proarà a se ripeter n domenia 11 otober contra l’Ortigaralefre a Villa Agnedo da mese le 4.
No le stat n gran weekend par le schedres mendre parchè la Juniores a perdù par 4 a 1 contra l Pinè con gol de Lastei Mattia, i Arleves a perdù par 4 a 3 con gol de Rasom Simone e doi goi de Costa Erik e i esordienc “B” a perdù con l’Alta Valsugana par 6 a 3. Chesta setemana la juniores jierà a Perjen contra l’Oltrefersina n sabeda ai 10 de otober da les 5, i Arleves jierà n domenia ai 11 de otober contra l Valcembra a Sen Jan da mese le 11, i giovanissimes jierà ai Masi de Ciavaleis contra l Fiem n sabeda da mese le 4 e i esordienc “A” jierà n sabeda a Sen Jan contra l Pinè da mese le 5.
Pierpaolo Rasom
Colusso Alessandro, Rasom Alessandro, Löwe Gregor, Bernard Matteo (dal 30’ st Rasom Sebastiano), Deflorian Giovanni (dal 1’ st Rasom Lorenzo), Trottner Luca, Lorenz Matteo, Cincelli Patrick, Petrone Michele (dal 33’st Riz Gianni), Deville Patrizio, Lorenz Massimo