No taca ben l campionat del Fascia balon, che sul ciamp de ciasa a perdù par 2 a 1 co la Garibaldina enceben i a jia na bona endesfida. Te i prumes 20 menuc a la miec l ciamp e no è sozedù nia da tant, do la Garibaldina a taca a atacar dant co na trata tanche fora da area che l portier fascian a manà fora dal spieie da l’usc e do l atacant ghest che da soul te area a petà fora l balon falan la più grana ocasion fin a chel moment, do i jiadores de Chelodi a abù na gran ocasion con Gianni Riz che da ite l’area a sbarà fora, entorn l 35’ rua l prum gol dei ghesc co n gol de la domenia del numer 9 dei trentinoc che la endoina na trata che la è fenida te sach vejin al remenant ala dreta del portier fascian. La seconda part de la endesfida la è jita medema che i prumes menuc de la partida co na partida blocada tal mez del ciamp. Entorn ala 75’ menut l gol del Fascia co na trata dai 25 metres che Sebastiano Rasom e stat bon de petar te do l portier tiran ras al teren. La partida la è seghitada con n rebaltament da na man a l’autra e a 5 menuc da la fin, do na trata dal cianton fenida con l par de rimpalli l balon è fenì te l’usc fascian, la Garibaldina a venciù la priìuma de campionat. Pecia parchè i joegn fascegn a jià par 80 menuc alla “pari” con una de le formazion più enjignade par venjer l campionar de chest an; i proera a se rifar n domenia 13 de setember da meses le 4 con l Porfido Albiano.
Formazion: Colusso Alessandro, Gloder Tommaso, Riz Gianni (dal 15’ st Fusi Raffaele (dal 30’ st Rasom Alessandro)), Bernard Matteo (dal 25’ st Riz Gabriele), Deflorian Giovanni, Trottner Luca, Lorenz Matteo, Rasom Lorenzo (dal 20’ st Petrone Michele), Rasom Sebastiano, Lorenz Massimo, Deville Patrizio