Seghita l moment positif del Fascia Balon che n sabeda ai 29 de aost a venjù par 4 a 0 contra l Paganella. No à tacà muie ben la endesfida par i fascegn che per i prumes 20 menuc se a fat sotmeter dai trentinoc che però no i e stac bon de jir sora, do che l Fascia a ciapà la mesures e i e stac bogn de imponer l so jech i e stac bogn de jir inant con l capitan Luca Trottner che le stat bon de desfrutèr n gran rebalton te area do na trata dai 20 metres batuda te mez all’area da Sebastiano Rasom. Do l gol, i fascegn a ciapà coraje e se no fosà stat per l’imprecision de i jiadores de mister Chelodi i fosa jir a pausèr sul 2 a 0. Tel secondo temp le stat dut n’autra musega con i fascegn che a seghità desche i a fenì l prum e de fat i e stac bogne de se portar sul 2 a 0 con na gran azion solitaria del classe 2004 Massimo Lorenz. 5 menuc più tart è ruà l 3 a 0 con Massimo Lorenz che a metù te sach l balon do n gran passaje de Matteo Lorenz, autres 5 menuc e l joen fascian cala l tris do che l se n’a emprevenù de na dormida de la defendura aversaria. La partida la seghita zenza autra azion de emportanza e l Fascia a portà a ciasa n bon resultat che fas moral perché n domenia 6 de setember i jiarà sul ciamp de ciasa contra la Garibaldina par la pruma partida del campionat de pruma categoria.
Formazion : Colusso Alessandro, Petrone Michele, Gloder Tommaso (dal 15’ st Rasom Pierpaolo), Bernard Matteo ( dal 25’ st Rasom Lorenzo), Deflorian Giovanni, Trottner Luca, Lorenz Matteo( dal 20’ st Barcatta Mirko), Riz Gianni, Rasom Sebastiano, Lorenz Massimo (dal 35’ Deflorian Giacomo), Riz Gabriele (dal 5’ st Rasom Alessandro)
PAGANELLA – FASSA 29 agosto 2020
