Burta desfata per l Fascia balon chela madurèda sul ciamp neutro de Egna contra l’Ischia. Tel prum temp de la endesfida Tronttner e compagnes a metù sot e sora la defendura aversaria no troan l gol, però a passèr n vantac è l’Ischia do na gran azion de l so mior jiador che l passa via la defendura fascèna, l met a sentèr l portier fajan mena de tirèr e l poja l balon jun fon l sach. I bec de mister Chelodi no se pert de animo e i proa sobito a drezèr la partida dant co na trata de cef de Lorenz Matteo e do con na trata da tanche fora da l’area de Lorenz Massimo, ma l prum temp fenesc con i fascegn sot. L secondo temp taca miec i fascegn che proa a spenjer per troèr l gol del 1 a 1 ma chest gol no l rua, enveze rua l 2 a 0 co na trata da cet che rua dreta te usc, sobito do rua l 3 a 0 do n balon gestì mèl dai fascegn che i aversarie con na trata da i 20 metres a metù te usc. A 10 menuc da la fin ruà l 3 a 1 firmà da l solito Rasom Sebastiano co na trata da i 11 metres. Proan a la desperèda a meter a post l resultat i fascegn se a descorì e con n contropè i aversarie a aft l 4 a 1 e al ultim menut ence l 5 a 1 con na trata da i 11 metres. Na desfata che no ge volea par i joegn fascegn che setemèna che vegn i proarà a fèr miec e porter a cèsa i ponts contra l Valsugana a Scurelle da meses les 3.
L’unica schedra mendra che a jià è i arleves che a perdù per 5 a 2 contra la Vigolana coi doi gol de Alessandro Soraru. La junires jiarà l recupero contra l Cembra82 n sabeda ai 23 de NOvember da les 4, i arleves jiarà n domenia ai 24 de November contra l Roncegno semper ncèsa da meses les 11, i giovanissimes jiarà sabeda ai 23 de November a Masen di Giovo da meses les 6 contra l Verla e i esoredienc “B” jiarà contra l Fiem n sabeda da le 3 a Molina enveze l esordienc “A” jiarà semper a Molina contra l Fiem”B” n domenia da meses les 11
Colusso Alessandro, Rasom Lorenzo (dal 15’st Gloder Tommaso), Riz Gianni (dal 25’st Petrone Michele), Cincelli Patrick, Deflorian Giovanni, Trottner Luca, Lorenz Matteo, Riz Gabriele (dal 20’st Rasom Alessandro), Rasom Sebastiano, Lorenz Massimo (dal 30’st Ruggiero Samuele), Deville Patrizio (dal 49’st Mostallino Francesco)