Enceben i aesse jia delvers ence chesta domenia l Fascia Balon a cognù ge lascèr i trei ponts al Calceranica par 3 a 0, resultat mingol bujare sot l profil del jech. L prum temp Trottner e compagnes a fat cruzièr i ghesc con n par de ocajion che però n i a porta n vantac l parons de cesa che te i ultimes menuc i a ciapà l prum gol con n balon che do na carambola le ruà tel sach fascian. L secondo temp le scomenzà con equilibrio. Do n cart d’ora l Calceranica, prum n classifica, e stat bon de troèr l secondo gol con na trata da cet e dotrei menuc do con n classico “tiro de la domenia”. I bec de mister Chelodi no se a petà ju e i a proa a drezerla con n par de ocajion parede dalvers dal portier ghest, fin a canche i ge a petà fora n jiador che a fat fenir la partida. setemèna che vegn sarà na partida engrèda per l Fascia Balon che cognera jir a Martignan contra al Calisio da meses les trei, ma i proerà lo stes a se la jier per portèr a cèsa ponts.
Chesta setemèna te la schedrès mendres a venciù demò la juniores 4 a 1 contra l pinè con goi de Defrancesco Anwar, Zanoni Lorenzo, Anackov Milovn e un autogol, i Arleves i a perdù 5 a 3 contra l Telve con goi de Sommavilla Jacopo, Costa Erik e Bernard Enrico, i giovanissimes nveze i a perdù 8 a 0 contra l Valcembra e i esordienc a venciù 4 a 1 contra l Pinè. Setemèna che vegn la juniores jierà contra l Perjen a Perjen sabeda sera, i arleves jierà contra l Calisio a Vich domenia da meses les 11, i giovanissimes jierà contra l Ortigaralefre sabeda da les 6 a Vich
Pierpaolo Rasom
Formazion:
Colusso Alessandro, Petrone Michele (dal 30’ Glöder Tommaso), Rasom Lorenzo (dal 25’st Riz Gianni), Melecci Riccardo, Deflorian Giovanni, Trottner Luca, Lorenz Matteo (dal 35’st Kola Pietro), Ruggiero Samuele (dal 20’st Toma Nicolas), Rasom Sebastiano, Lorenz Massimo (dal 10’st Riz Gabriele), Deville Patrizio