Ence chesta setemena l Fascia Balon a cognù zeder i trei ponc a l’autra schedra, de fat i a perdù par 3 a 1 contra l pine. La partida è scomenzèda ben per i fascegn che do n cart de ora i a troà l gol del vantac con Gabriele Riz. Do aer troà l vantac i pinaiteres i a proà a drezèr la endesfida e i è stac bogn dant de la fin del prum temp de troèr l gol. L secondo temp la partida se a equilibra fin a can i ghèsc a troa l gol del vantac con na trata de cef do na grana parada de Colusso. Trottner e compagnes a proa a se petèr inant per drèzer la endesfida ma do che i è reste de 10 te ciamp l pine a metù sun fon l sache l terzo gol semper co na trata de cef. L Fascia proerà a porter a cèsa i trei ponc setemèna che vegn a Ciavaleis contra l Fiem da meses les 4.
Te chest fin setemèna de balon l’unica schèdre del Fascia Balon che a venciù è stat la Juniores che a vent per 3 a 0 contra l’Audace con doi gol de Mattia Lastei e gol de Anwar Defrancesco, enveze i Arleeves i a perdù per 7 a 1 contra l Trent con gol de Mattia Roldo, i giovanissimes a perdù 9 a 0 con la Dolasiana. I esordienc A a perdù 3 a 2 contra l Lavis e i esordienc B a perdù 4 a 0 contra l Verla. Setemenà che vegn la Junires jiarà a Grigno contra l’ Ortigaralefre, i Arleves jièra domenia da mese les 11 sa vich contra l Alta Valsugana e i Giovanissimes jiarà n sabeda da le 6 da sera a vich contra la Dolomitica.
Formazion
Colusso Alessandro, Riz Gianni (da 1’st Toma Nicolas), Bernard Matteo (dal 30’ st Ruggiero Samuele), Rasom Lorenzo (dal 40’ st Glöder Tommaso), Deflorian Giovanni, Trottner Luca, Lorenz Matteo (dal 10’ st Kola Pietro), Riz Gabriele, Rasom Sebastiano, Bernard Enrico (dal 15’ st Lorenz Massimo), Deville Patrizio