No le jità nience chesta setemana per l Fascia Balon che sul ciamp de ciasa a perdù l derby de la Veisc contra la Dolomitaca par 2 a 1 te na partida tirèda fin a la fin. La partida la è tachèda con ocajion da na man e da l’autra ma che no se a tramudà n gol e la pruma pèrt de la endesfida zenza goi. Te l secondo temp la endesfida la è seghitada con azion pericolouse da dute doi le man ma a pasar n vantac le i ghesc co l’ex Weiss che do na trata dal cianton l peta ite l balon de pé. Do l gol i fascegn a tacà a spenjer de più e le ruà l gol de l’un a un con Gabriele Riz che l desfuta na destrazion de la defendura dei fiamaces che i sbalona ados a Matteo Lorenz, l balon rua te i piesc a l atacant fascègn che l rua dedant l portier e l peta l balon jun som al sach. Trottner e compagnes i seghita a spenjer per proèr a ciapèr i 3 ponc, però chest a portà i fascegn a jir masa inant e a l’ultim menut i pardacegn i è ruè a troèrde nef l vantac do aer desfrutà na distrazion de la defendura de cèsa. Dant che l diretor de la endesfida sigolase 3 oute l Fascia aessa podu drezer la partida con na trata da cet de Sebastiano Rasom che l brinca dret tal jeneie l portier dala “Dolo”. Na endesfida deziduda da n fat do na partida jiada a la pari da duc i jiadores. I fascègn proèra a porter i trei ponc a ciasa setemèna che ven da mese le cater a Cembra contra l Porfido Albian.
Chesta setemèna a tacà a jièr enca la schedres mendres. La juniores a venjù contra l Verla 1 a nia con gol de Lastei Mattia, enveze i Arleves a perdù contra l Mattarello calcio 3 a nia, i giovanissimes a perdù 13 a nia contra l Bolghera e i Esordienc a perdù 3 a 1 contra l fiem. Setemèna che ven la Juniores jièrà a Telve contra l Telve, i Arleves paussa, i giovanissimes jièrà sabeda sul ciamp de ciasa contra l Telve da les 6 da sera.
Pierpaolo Rasom
Formazion: Alessandro Colusso, Michele Petrone, Gianni Riz, Matteo Bernard (dal 13 st Riccardo Melecci), Giovanni Deflorian, Luca Trottner, Matteo Lorenz, Gabriele Riz (dal 30 st Nicolas Toma), Sebastiano Rasom, Massimo Lorenz (dal 20 st Lorenzo Rasom), Pietro Kola (dal 7 st Patrizio Deville).